செய்திகள் தெரிந்து கொள்வதற்காக இளைஞர்கள் பயன்படுத்தும் ஊடகங்களில் இன்டர்நெட் மூன்றாமிடம்!!!

செய்திகள் தெரிந்து கொள்வதற்காக அமெரிக்க இளைஞர்கள் பயன்படுத்தும் ஊடகங்களில் இன்டர்நெட் மூன்றாமிடத்தைப் பிடித்திருக்கிறது.

அமெரிக்காவில் சமீபத்தில் ஓர் ஆய்வு நடத்தப்பட்டது. தினசரி செய்திகள் தெரிந்து கொள்வதற்காக அமெரிக்க இளைஞர்கள் எந்தெந்த ஊடகங்களைப் பயன்படுத்துகின்றனர் என்பதுதான் ஆய்வின் நோக்கம்.

இந்த ஆய்வு மொத்தம் இரண்டாயிரத்து 259 இளைஞர்களிடம் நடத்தப்பட்டது. ஆய்வின் முடிவில் தெரியவந்துள்ள விவரங்கள்:மொத்தம் 78 சதவீதம் பேர், உள்ளூர் "டிவி" " நிலையங்கள் மூலம் செய்திகள் தெரிந்து கொள்கின்றனர். 73 சதவீதம் பேர், தேசிய "டிவி" "க்களான சி.பி.எஸ்., போன்ற "டிவி" "க்கள் மூலமோ அல்லது கேபிள் "டிவி" "க்களான சி.என்.என்., போன்ற "டிவி" "க்கள் மூலமோ செய்திகளைத் தெரிந்து கொள்கின்றனர்.இணையதளங்கள் மூலமாக, 61 சதவீதம் பேர் செய்திகளைத் தெரிந்து கொள்கின்றனர்.

ஏதாவது ஒரே ஒரு இணையதளம் மூலம் மட்டுமே 21 சதவீதம் பேரும், இரண்டு அல்லது ஐந்து இணையதளங்கள் மூலம் 51 சதவீதம் பேரும், ஐந்து இணையதளங்களுக்கு மேல் 11 சதவீதம் பேரும், குறிப்பிட்ட இணையதளம் என்றில்லாமல் எந்த இணையதளத்தின் மூலமாவது 64 சதவீதம் பேரும் செய்திகளைத் தெரிந்து கொள்கின்றனர்.ரேடியோ மூலம் 54 சதவீதம் பேரும், உள்ளூர் நாளிதழ்கள் மூலம் 50 சதவீதம் பேரும், தேசிய நாளிதழ்களான "தி நியூயார்க் டைம்ஸ்" " அல்லது "யு.எஸ்.ஏ., டுடே" " போன்றவற்றின் மூலம் 17 சதவீதம் பேரும் செய்திகளைத் தெரிந்து கொள்வதாகக் கூறியிருக்கின்றனர்.மொபைல் போன் மூலம் 33 சதவீதம் பேர் செய்திகளைத் தெரிந்து கொள்கின்றனர். "மொத்தத்தில் ஏதாவது ஒருவகையில் தினசரி செய்திகளைத் தெரிந்து கொள்ள வேண்டும் என்ற ஆர்வம் அமெரிக்க இளைய சமுதாயத்திடம் இருக்கிறது. நேரம் போகாமல் இணையத்தில் தேடுபவர்கள் கிடையாது என்றே சொல்லலாம்" " என்கிறார் இந்த ஆய்வை நடத்திய தனியார் நிறுவனத்தின் இயக்குனர்.